5-ით დაბოლოებული რიცხვის 5-ზე გასაყოფად, მოცემული რიცხვი გავამრავლოთ ორზე და შედეგი გავყოთ 10-ზე.

მაგალითად: 265:5, ნიშნავს 265.2:10=530:10=53

0-ით დაბოლოებული რიცხვის 5-ზე გასაყოფად, მოცემული რიცხვი გავყოთ 10-ზე და გავამრავლოთ 2-ზე.

მაგალითად: 280:5, ნიშნავს 280:10.2=28.2=56

00-ით დაბოლოებული რიცხვის 25-ზე გასაყოფად, მოცემული რიცხვი გავყოთ 100-ზე და გავამრავლოთ 4-ზე.

მაგალითად: 2600:25, ნიშნავს 2600:100.4=26.4=104

ორნიშნა რიცხვის 11-ზე გასამრავლებლად ამ რიცხვის ციფრებს შორის უნდა ჩავწეროთ მათი ჯამი, როცა ციფრთა ჯამი 10-ზე მეტია, მაშინ პირველ ციფრს დავამატოთ 1.

მაგალითად: 27.11, ნიშნავს 2+7=9 და 9 ჩავწეროთ 2-სა და 7-ს შორის, ესე იგი 27.11=297, ახლა 57.11, ნიშნავს 5+7=12, მიღებული 12-დან ათეულების ციფრი 1 გადადის წინა თანრიგზე, ამიტომ 1+5=6, ესე იგი 57.11=627

5-ით დაბოლოებული ორნიშნა რიცხვის კვადრატში ასაყვანად პირველი ციფრი გავამრავლოთ მომდევნო ციფრზე და მივუწეროთ 25.

მაგალითად: ვიპოვოთ 35², ნიშნავს 3.4=12 და მივუწეროთ 25, ესე იგი 35²=1225.

ერთნაირი ციფრით დაწყებული ორი ორნიშნა რიცხვის ნამრავლი ტოლია, რომლებსაც მეორე ციფრების ჯამი აქვთ 10-ის ტოლი, - პირველი ციფრი გავამრავლოთ მომდევნო ციფრზე და მივუწეროთ ორივე რიცხვის მეორე ციფრების ნამრავლი.

მაგალითად: ვიპოვოთ 36.34, ნიშნავს 3.4=12 და მივუწეროთ მეორე ციფრების ნამრავლი 6.4=24, ესე იგი 36.34=1224.

90-ზე მეტი და 100-ზე ნაკლები რიცხვების კვადრატი ტოლია, მოცემულ რიცხვს გამოვაკლოთ რიცხვი, რომელიც აკლია 100 რომ გახდეს, და მივუწეროდ იგივე რიცხვის კვადრატი.

მაგალითად: ვიპოვოთ 93², ნიშნავს 93-7=86, და მივუწეროთ 7-ის კვადრატი, ესე იგი 93²=8649

---

შენიშვნა: მათემატიკური ცნებები ძირითადად წარმოდგენილია ეროვნული მისაღები გამოცდებისთვის განკუთვნილი სახელმძღვანელოდან - ავტორები: ს.თოფურია, ვ.ხოჭოლავა, ნ.მაჭარაშვილი, გ. აბესაძე, ზ. მეტრეველი.

განმარტება: პროფესორ ს. თოფურიას რედაქციით მეხუთე გადამუშავებული გამოცემა.