ისეთ ნატურალურ რიცხვებს, რომლებსაც მხოლოდ ორი გამყოფი გააჩნია, 1-ნი და თავისი თავი, ეწოდება მარტივი რიცხვები.

მაგალითად მარტივი რიცხვებია: 2, 3, 5, 7, 11, 13, 17, 19, ...

ისეთ ნატურალურ რიცხვებს, რომლებსაც 1-ისა და თავისი თავის გარდა სხვა ნატურალური გამყოფიც გააჩნია, ეწოდება შედგენილი რიცხვები.

მაგალითად შედგენილი რიცხვებია: 4, 6, 8, 9, 10, 12, 14, 15, ...

1 არც მარტივია და არც შედგენილი, რადგან მას მხოლოდ ერთი გამყოფი აქვს, მარტივ რიცხვებს კი ორი გამყოფი, ხოლო შედგენილს - ორზე მეტი.

---

შენიშვნა: მათემატიკური ცნებები ძირითადად წარმოდგენილია ეროვნული მისაღები გამოცდებისთვის განკუთვნილი სახელმძღვანელოდან - ავტორები: ს.თოფურია, ვ.ხოჭოლავა, ნ.მაჭარაშვილი, გ. აბესაძე, ზ. მეტრეველი.

განმარტება: პროფესორ ს. თოფურიას რედაქციით მეხუთე გადამუშავებული გამოცემა.