2022-03-10, ხუთშაბათი

კომპლექსური დავალების პირობა:

საბავშვო ბაღის ადმინისტრაციამ გადაწყვიტა ეზოს კეთილმოწყობა და ბაღის აღსაზრდელთათვის გასართობი კუთხის მოწყობა.წარმოიდგინე რომ ბაღის ადმინისტრაციამ გთხოვა დახმარება დაგეგმარებაში.(დაგეგმარებაში გამოიყენეთ წრეწირი/წრე და მისი ნაწილები) გაითვალისწინეთ შემდეგი პირობები:

1. ნაკვეთს აქვს მართკუთხედის ფორმა;
2. ნაკვეთის ცენტში დგას ხე;
3. გასართობ ატრაქციონებს აქვთ წრეწირის ფორმა თუმცა განსხვავდებიან ერთმანეთისაგან რადიუსებით;
4. მბრუნავი საქანელა უნდა მდებარეობდეს ხისგან დასავლეთით 9 ბიჯით. მისი რადიუსია 50სმ;
5. სასრიალო რომლის დიამეტრია 2მ მდებარეობს ხისგან ჩრდილოეთით ბიჯით 8;
6. ხისგან სამხრეთით უნდა იყოს მრგვალი ყვავილნარი- დიამეტრით 1მ, მის მის ნახევარზე გვირილებია, ხოლო მეორე ნახევარზე იები;
7. ხისგან აღმოსავლეთით 7 ბიჯის შემდგომ კიდევ ერთი მბრუნავი საქანელა რადიუსით 60სმ უნდა მდებარეობდეს, მასზე უნდა განთავსდეს სამი სკამი და ისინი ერთმანეთთან უნდა იყოს დაკავშირებული ხის ძელებით, რომ საქანელა იყოს მყარი;
8. ნაშრომი წარმოადგინეთ მაკეტის ან ნახაზის სახით, სადაც რეალურ 1მ-ს შეესაბამება 10სმ და 1 ბიჯი 1 უჯრას.
9. რაში შეიძლება გამოგადგეთ მიღებული გამოცდილება მომავალში?
10. თქვენი სურვილის მიხედვით რომელიმე ატრაქციონი შეგიძლიათ შეცვაალოთ ეშმაკის ბორბალით.

ნაშრომში ხაზგასმით წარმოაჩინე:

1. რომ ჩვენს გარშემო და გარემომცველ ბუნებაში არსებულ უამრავ საგანს გეომეტრიული ფიგურების ფორმა აქვს და რომელი გეომეტრიული ფიგურები გამოიყენეთ მოცემული დავალების შესასრულებლად?
2. რა საერთო და რა განმასხვავებელი ნიშან-თვისებები გააჩნია თქვენ მიერ გამოყენებულ ფიგურებს?
3. როგორ და რაში გვეხმარება გეომეტრიულ ფიგურათა თვისებების ცოდნა;
4. რა საშუალება გამოიყენეთ იმისათვის რომ მოგეხდინათ ადგილმდებარეობის დასადგენად ჩანაწერის გაკეთება?
5. როგორ შეიძლება დადგინდეს სხვა ობიექტის ადგილმდებარეობა;
6. სივრცეში ან სიბრტყეზე მოძრაობისას როგორ აწარმოეთ ადგილმდებარეობის დასადგენი ჩანაწერის გაკეთება?

მოსწავლემ უნდა შეძლოს:

1. მოცემული ადგილმდებარეობის გეგმების და მარტივი სქემების საშუალებით სიბრტყეზე ორიენტირება;
2. ადგილმდებარეობის დასადგენად საწყისი საორიენტაციო ობიექტის განსაზღვრა, რომლის მიმართაც განისაზღვრება/დგინდება სხვა ობიექტის მდებარეობა;
3. იმსჯელოს იმის შესახებ, რომ გეომეტრიული ფიგურებისა და მათი ურთიერთგანლაგების სქემების, მოდელების საშუალებით, როგორ ხდება სივრცეში ორიენტირება.

ატრაქციონი - იმისათვის, რომ გაგიმარტივდეს დავალების შესრულება უნდა იცოდე:

1. რას წარმოადგენს წრე/წრეწირი;
2. რას წარმოადგენს რადიუსი/ქორდა/დიამეტრი;
3. რა კავშირია რადიუსსა და დიამეტრს შორის;
4. როგორ შეიძლება დაგვეხმაროს კოორდინატების ცოდნა რაიმე ობიექტის ადგილმდებარეობის ზუსტად განსაზღვრაში.